Një aksident i rëndë automobilistik ka ndodhur mbrëmjen e djeshme në aksin Fier-Lushnje, ku një këmbësore ka humbur jetën pas pas përplasjes nga një makinë ku ndodheshin një çift të fejuarish.
Sipa spolicisë, ngjarja ka ndodhur më 17 Qershor rreth orës 22:15, në aksin rrugor Fier-Lushnje, në afërsi të hotel “Adma”, ku shtetasi Euxhenio Prendi, 26 vjeç, banues në Lushnje, duke drejtuar mjetin tip “Volkswaken” ka aksidentuar një shtetase të seksit femër e cila ka gjetur vdekjen.
Për pasojë është dëmtuar drejtuesi i mjetit dhe e fejuara e tij e cila ishte pasagjere në mjet, shtetasja D.K, 22 vjeçe, të cilët ndodhen në Spitalin Lushnje nën kujdesin e mjekëve.
Grupi hetimor po punon për identifikimin e viktimës dhe zbardhjen e plotë të rrethanave të ngjarjes.
