Presidenti i Koresë së Jugut Moon Jae-in tha se lideri i Koresë së Veriut, Kim Jong Un, e ka konfirmuar edhe një herë angazhimin e tij për të ç’armatosur plotësisht Korenë nga armët bërthamore, dhe që mezi po e pret takimin me Presidentin e Shteteve të Bashkuara Donald Trump në 12 qershor.
Kjo deklaratë erdhi menjëherë pas takimit të dy krerëve Korean të shtunën e datës 26 maj, në një fshat mes dy Koreve. Ky takim erdhi i rastësishëm dhe i palajmëruar, sepse kreu i Koresë së Veriut e kishte kontaktuar Presidentin Moon Jae-in vetëm një ditë përpara.
Kjo deklaratë erdhi menjëherë pasi Trump lajmëroi anullimin e takimit të tyre dhe e kujtoi edhe njëherë liderin Kim Jong Un për fuqinë e Shteteve të Bashkuara dhe arsenalin bërthamor që zotëron, vetëm për ta përgënjeshtruar sërish një ditë më vonë duke thënë se takimi “mund të ndodhë”. Ky i fundit nga ana tjetër pret që takimi të zhvillohet gjithësesi, ndërsa shpreh shqetësimin se SHBA-ja nuk është e besueshme dhe nuk mund të garantojë vazhdimësinë e regjimit pas çarmatosjes./Opinion.al
