Konsulli i Përgjithshëm i Shqipërisë në Stamboll, Gent Tare ka përgënjeshtruar artikullin e publikuar në gazetën turke ‘Daily Sabah’, ku e cilëson Shqipërinë si baza kryesore e furnizimit të mariuanës për tregun turk.
Në lidhje me artikullin në fjalë, Tare sqaron gazetarin turk Yusuf Ziya Durmus si autor të shkrimit se cilësimi i Shqipërisë si baza kryesore e furnizimit të marijuanes për tregun turk është një fakt i rëndë, duke pasur parasysh se faktet e përjashtojnë këtë pretendim.
“Duke dashur të hedhim dritë mbi disa fakte që hedhin poshtë këtë supozim, ju bëjmë të ditur se sipas statistikave të nxjerra nga Policia e Republikës së Turqisë, gjatë 3 mujorit të parë të vitit janë regjistruar gjithsej 21.566 ngjarje për trafikim kanabis nga 29.775 shtetas, prej të cilëve vetëm katër shtetas janë shqiptarë që kanë trafikuar lënde narkotike në Turqi në bashkëpunim me shtetas turq“,- thekson Tare.
Reagimi i plotë
I nderuar Zoti Yusuf,
Lexuam me vëmendje artikullin Tuaj botuar me datë 23/05/2018 ne Gazeten Daily Sabah me titull Skunk replaces Bonzai as neë drug scare for youth – mbi trafikimin e lëndëve narkotike.
Në artikull behet nje paralelizem mbi zëvendesimin e drogës sintetike “bonzai” me një drogë të re të quajtur “skunk” (marijuana gjenetikisht e modifikuar), e cila, sipas artikullti tuaj nënkupton Shqipërinë si vend të origjinës.
Duke dashur të hedhim dritë mbi disa fakte që hedhin poshtë këtë supozim, ju bëjmë të ditur se sipas statistikave të nxjerra nga Policia e Republikës së Turqisë, gjatë 3 mujorit të parë të vitit janë regjistruar gjithsej 21.566 ngjarje për trafikim kanabis nga 29.775 shtetas, prej të cilëve vetëm katër shtetas janë shqiptarë që kanë trafikuar lënde narkotike në Turqi në bashkëpunim me shtetas turq.
Gjithashu ju bëjmë me dije së sipas autoriteteve turke, në vitin 2016 janë kapur rreth 147 ton mariuanë.
Duke iu rikthyer shkrimit tuaj për zevendesimin e bonzait me mariuanen qe ju e quani “skunk”, pra gjenetikisht e modifikuar, nga autoritetet policore turke nuk ka pasur asnjëherë një pretendim të tillë që në Turqi po trafikohet mariuane e tillë, pra emërtimi skunk nënkupton familjen e kësaj lloj droge ku përshihen Cannabis Skunk group, Marijuana Cannabis Sativa\Hemp,Canabis ruderalis. Skunk është e njëjtë me Cannabis (a genetically modified or Hibrid strain Cannabis), mariaune e njëjtë me atë që ju e quani “esrar”.
Cilësimi i Shqipërisë si baza kryesore e furnizimit të mariuanes për tregun turk është një fakt i rëndë, duke pasur parasysh se faktet e sipërmendura e përjashtojnë këtë pretendim.
Po ashtu, një tjetër fakt i deformuar që paraqisni është se “drogërat të cilat nuk i keni përcaktuar se cilat janë, mbërrijnë nga vendet e Evropes nëpërmjet Shqipërisë”.
Në të gjitha raportet e autoriteteve turke diplomatike, policore apo shteterore, asnjëherë nuk është pretenduar një fakt i tillë. Kjo është hera e parë që bëhet një akuzë e tillë.
Si mund të jeni në dijeni, sasia e vetme e kapur prej 1,1 Ton në Bodrum mendohet nga autoritetet policore turke që mund të ketë ardhur nga Shqipëria.
Duke pasur parasysh statistikat e sipërmendura (147 ton në vitin 2016, nga të cilët vetëm 1.1 ton supozohet të ketë ardhur nga Shqipëria dhe rastet e ndalimit dhe procedimit në tremujotrin e parë te vitit 2018), vlerësojme se nuk është Shqipëria burimi kryesor i kanabisit në Turqi.
