Dasma e Princ Herry-t me aktoren Meghan Markle pritet të mbahet këtë javë. Por mesa duket për çiftin nuk ka qenë edhe aq e lehtë. Familja e Meghan ka shkaktuar probleme të cilat mesa duket po i rëndojnë shumë nuses së ardhshme. Së fundmi babai i saj është shprehur se do të heqë dorë nga dasma, për shkak të një arresti kardiak që pësoi.
Atë e akuzuan se kishte bërë një pakt me paparacët 1 javë më parë, dhe kjo e ka shqetësuar së tepërmi 73 vjeçarin. Kjo e ka mërzitur shumë Meghan, e cila po bën çdo gjë që ta ketë të atin prezent në këtë ditë. Ai gjithashtu është shprehur se nuk dëshiron të jetë në dasmë për të mos vënë në siklet të bijën përpara monarkëve. Pallati Keningston njoftoi në një lajmërim zyrtar se “Këto janë momente shumë personale për zonjushë Markle”, duke kërkuar mirëkuptim.
