Vesa Luma feston sot ditëlindjen. Ndryshe nga vitet e tjera, ky 32 vjetor e ka gjetur këngëtaren shqiptare në kontinentin e largët të Australisë, ku ajo jeton prej disa kohësh me familjen e saj të vogël.
Suksesi i saj më i fundit, një videoklip muzikor që erdhi në bashkëpunim me Big Bastën, promovimi i Shqipërisë ishte fokusi parësor i tij përveç muzikës, tashmë ka bërë jehonë në shumë shtete të botës.
Por dita e sotme ka qenë edhe më e veçantë për Vesën, kjo pasi urimi i bashkëshortit të saj Big Basta ishte vërtet emocionues. Një dedikim me fjalët më të ndjera që mund të keni lexuar ndonjëherë, më pas një tortë dhe një “Happy birthday” e kënduar nga të tre dhe kjo festë ditëlidje nuk mund të jetë më e bukur se kaq.
Në të shkruhet: “Të uroj çdo të mirë të kësaj bote dhe gëzuar ditëlindjen e shtrenjta ime, shoqja ime më e mirë dhe gjysma ime! Të dua me shpirt dhe jam shumë krenar me ty çdo ditë e më shumë kur të shikoj çfarë nëne dhe çfarë gruaje je. Happy birthday jeta lalit! Edhe 1000 vite të tjera! Faleminderit dhe për djalin që ma ke bërë fiks siç e donim ne. Gëzuar nga unë dhe Lian”, e mbyll dedikimin e tij Big Basta.
