Legjenda e Brazilit, Romario ka vendosur ti japë disa këshilla sulmuesit të Manchester City përpara Botërorit ‘Rusi 2018’.
Romario është shprehur se 21 vjeçari duhet të shënoj sa më shumë gola, në mënyrë që të tregojë sa vlen dhe të bëjë sa më shumë seks.
“Një nga këshillat që unë kam për Gabrielin është që të bëjë shumë sekse dhe të shijojë çdo moment. Ditët e pushimit duhet t’i shfrytëzojë në maksimum, por ditën e ndeshjes duhet që të japë maksimumin dhe të jetë i përqendruar.
Ai do të shkojë në Rusi ku do të luajë në Botëror dhe dihet që gjëja më e rëndësishme në një kompeticion të tillë është të shënojë sa më shumë gola dhe të tregojë se sa vlen. Nëse i bën të gjitha këto, atëherë e siguroj se sukseset do të jenë të shumta” është shprehur Romario.
Gabriel Jesus do të grumbullohet këtë vit me kombëtaren e Brazilit në Botërorin Rus, ndërsa këtë sezon tek skuadra angleze e Manchester City ka shënuar 12 gola.
