Në qershor do të marrim një vendim politik që nuk do ia lemë në dorë Edi Ramës, por shqiptarëve. Qershori është shumë afër, ndaj le të shërbejë kjo mbledhje si ndezje motorësh.
Kështu u shpreh Kryetarja e LSI-së, Monika Kryemadhi, gjatë fjalës së mbajtur para anëtarëve të Komitetit Drejtues Kombëtar të kësaj partie.
“Edi Rama mund të vendosë në familjen e tij, por nuk mund të përcaktojë fatin e shqiptarëve”, tha Kryemadhi.
Kreu i LSI-së në mbledhjen foli edhe për dorëheqjen e ish-ministrit Saimir Tahiri nga mandati i deputetit.
Kryemadhi tha se Tahiri nuk ka pasur asnjë fjalë të sinqertë në ato që ka thënë. Kryemadhi është shprehur se Tahiri duhet të thoshte të vërtetën dhe jo të shantazhonte Ramën, ndërsa ky i fundit po intimdon dretjues të LSI.
“Dje dhe sot vëmendja e publikut ka qenë të Saimir Tahiri. Të gjithë u morën me ato që ai ka thënë, por nuk u morën me ato që ai duhet të thoshte dhe ato që ai duhet të bënte.
Të gjithë presin gjykimin e Tahirit, por drejtësia nuk ka vijuar. Asnjë fjalë të sinqertë nuk ka pasur në fjalën e tij, dhe lotët që janë bërë disa herë ngjajnë si lot krokodili. Nëse Tahiri do të ndjente një faj, ai duhet të kishte kërkuar falje, dhe jo të bënte shantazhe dhe show. Ai duhet të kishte kërkuar falje për drogën. Ai duhet të thoshte të vërtetën dhe jo të shantazhonte Ramën.
Të largohet një orë e parë nga pushteti, Rama duhet të largohet sa më shpejtë. Shpesh dëgjojmë akuza nga Rama dhe suflerët e tij, dhe intimidojnë drejtues të LSI-së. Kjo gjë do ndodhi, por jo për shumë kohë se gjithçka mbi kokë Edi Ramës”- tha Kryemadhi.
