Në fjalën e tij nga Kuvendi Kombëtar i Partisë Demokratike, teksa ka akuzuar socialistët për blerje të zgjedhjeve, Basha nuk ka lënë pa përmendur edhe marrëveshjen e shumëfolur të 18 Majit.
Ai u shpreh se Rama e përdori marrëveshjen dhe pranoi që kjo marrëveshje e dëmtoi PD-në elektoralisht. Por Basha shtoi se nga kjo marrëveshje fitoi Shqipëria.
Fjala e Bashës
Edi Rama e përdori marrëveshjen e 18 majit si fasadë për të mbuluar bashkëpunimin e tij me krimin për blerjen e votave dhe manipulimin e zgjedhjeve.
Veç të tjerave marrëveshja u përdor nga propaganda socialiste për të goditur PD-në.
Por ndërsa marrëveshja e dëmtoi PD-në elektoralisht, ironia është se marrëveshja qe momenti i kthesës për vetëdijësimin dhe qendrimet e faktorit ndërkombëtar ndaj Shqipërisë dhe qeverisjes Rama.
PD humbi edhe për shkak të marrëveshjes, por Shqipëria fitoi nga marrëveshja.
