Ekonomia turke u rrit në vitin 2017 me 7.4 për qind nga një vit më parë, njoftoi së fundimi (29.03) Enti turk i Statistikave në Ankara. Një vit më parë rritja ekonomike ishte 3.2 për qind dhe kjo qe si rezultat i përpjekjes së dështuar të grushtit të shtetit kundër Presidentit Rexhep Tajip Erdogan në korrik 2016.
Pra tani Turqia raporton për rritje ekonomike që i tejkalon edhe kinezët. Kina, ekonomia e dytë më e madhe në botë, pati vitin e kaluar sipas shifrave zyrtare një rritje prej 6.9 për qind në krahasim me një vit më parë.
Ministri i Ekonomisë Nihat Zeybekci i përshëndeti këto të dhëna dhe u shpreh për një “sukses spektakolar”, me të cilin Turqia ngrihet në krye të vendeve të G20.
Magjia statistikore
Turqia ka arritur një rritje të fortë ekonomike megjithë tensionet e mëdha politike me partnerët kryesorë tregtarë si Gjermania dhe pavarësisht rënies së të ardhurave nga turizmi. Gjendja e jashtëzakonshme e cila po vazhdon që pas përpjekjes së grushtit të shtetit i pengon gjithashtu shumë investitorë.
Po ashtu Turiqa vuan edhe nga inflacioni i lartë dhe nivel papunësie prej më shumë se dhjetë për qind. Po ashtu edhe kursi i këmbimit të monedhës së monedhës vendase lirës është në rënie.
Për herë të parë këtë javë një dollar u këmbye me më shumë se katër lira turke. Krahasuar me euron lira ka një kurs rreth një me pesë. Një vit më parë një euro këmbehej vetëm 3.70 lira.
Dyshime me vend
Zhvlerësimi i monedhës i bën eksportet turke më tërheqëse, por i bën importet më të shtrenjta. Për të ringjallur ekonominë qeveria turke po investon shumë në projekte shtetërore ndërtimi. Borxhi i jashtëm i shtetit ka aritur së fundmi në nivelin më të lartë të 15 vjetëve.
Shumë ekonomistë, përfshirë edhe ata turq, dyshojnë që statistikat zyrtare pasqyrojnë gjendjen e vërtetë të ekonomisë turke./DW
