Mos besoni asgjë që shihni në rrjetet sociale. Kjo është një shprehje që mund ta keni dëgjuar shpesh, por është më shumë se e vërtetë. Këtë e ka treguar një blogere e cila vendosi të kryejë një eksperiment social vetëm për të provuar se sa e vërtetë është të mashtrosh njerëzit nëpërmjet rrjeteve sociale. Ajo i bëri të gjithë të besonin se me rastin e 22 vjetorit do të udhëtonte drejt Disneyland në Kaliforni.
Fillimisht ajo postoi një foto nga shtrati, ku informonte njerëzit se të nesërmen mbushte 22 vjeç dhe me këtë rast do trajtonte veten mirë, do flinte herët dhe të nesërmen do shkonte drejt Disneyland. Dhe ashtu bëri, të paktën në Instagram. Ajo thjesht vuri në punë aftësitë saj të mira në editimin e fotove, dhe askush nuk e kuptoi. Në fakt ajo as nuk kishte ditëlindjen dhe as nuk mbushte 22 vjeç, pasi në të vërtetë është 32 vjeç, dhe askush nuk kuptoi asgjë.
