Banorët e fshatit Dardhë në rrethin Pukës të premten në mëngjes janë zgjuar në panik, pasi çarja dhe rrëshkitja e dherave për shkak të reshjeve të shiut është afruar pranë shtëpive të banuara.
Dardha është një fshat i thellë, pranë rrugës që të çon për në Fierzë. Pamjet e fshatit dje në mëngjes, i ngjanin një krijese që sapo ishte ngritur në fluturim; të krijohej bindja se banesat nuk kishin pasur kurrë themele dhe taban.
Banorët kanë gati një javë që jetojnë me frikën e rrëshkitjes së dheut e çarjës së tokës, por edhe pse kanë bërë thirrje për ndihmë që kur dherat rrëmbyen kasollet e bagëtive ditë më parë, duket se askush nuk interesohet mbi atë se çfarë po ndodh në fshat./Opinion.al
