Sa vjen dhe më shumë po rrëzohet imazhi klasik i një kreu shteti. Nëse më parë imazhi për ta ishte ai i një burri serioz, me disa vite mbi supe, pak i shëndosh i cili të intimidon nëse tenton të bësh shaka, sot është krejt e kundërta. Sa vjen e më shumë, drejtimin e vendeve po e marrin meshkujt energjik, relativisht të rinj, profili i të cilëve është më tepër sportiv. Sot madje është edhe më e thjeshtë ti klasifikosh këta burra shteti edhe si meshkuj të pashëm. Jashtë jetës politike ata janë bashkëshortë, baballarë, dhe miq si të gjithë të tjerët. Sipas Opinion.al, disa nga drejtuesit e rinj dhe simpatikë i gjeni si më poshtë:
1 – Sebastian Kurz, Kryeministri i Austrisë – Është vetëm 31-vjeç dhe drejton Austrinë. Djali me flokë kaf dhe sytë e shkruar është edhe një prej politikanëve më të pashëm. Ai u betua në 17 dhjetor të 2017, dhe prej disa muajsh është drejtuesi në moshën më të re në vend.
2 – Aleksis Tsipras, Kryeministri i Greqisë – Meshkujt grekë janë nga më të pashmit në botë, kështu edhe kryeministri i tyre 43 vjeçar nuk mbetet mbrapa. Tsipras është gjithashtu një lider shumë i ri në moshë, duke iu përshtatur kësaj liste më së miri. Një mashkull ezmer, burrëror, por njëkohësisht edhe i ëmbël, Aleksis Tsipras është padyshim një prej politikanëve lider më simpatik në botë.
3 – Zoran Zaev, Kryeministri i Maqedonisë – Një nga liderët me moshën më të re, Zaev është edhe një mashkull i pashëm. Ai është 43-vjeç dhe prej gati një viti drejton shtetin fqinj. Emri i tij është i dëgjuar për shqiptarët, dhe nuk është nevoja ta përshkrujmë me detaje pamjen e tij fizike.
4 – Justin Trudeau, Kryeministër i Kanadasë – Me një fytyrë të ëmbël, të buzëqeshur e cila krijon lehtësisht energji pozitive. Trudeau është padyshim një nga liderët më të pashëm që ka parë Kanadaja dhe jo vetëm. Ai është 46 vjeç dhe një ish trajner boksi. Është 188 cm i gjatë, me flokë të errët dhe shumë, shumë social. Kryeministri kanadez është padyshim i pari i kësaj liste.
5 – Enrique Peña Nieto, Presidenti i Meksikës – Ndoshta nuk ju ka rënë shpesh rasti të dëgjoni për presidentin e Meksikës, por përveç se drejton një shtet të tërë, ai është edhe mjaft i pashëm. Nieto është 51-vjeç, me një fytyrë klasike latine, buzëqeshje të ëmbël, ezmer dhe një nga Presidentët më të rinj në moshë që ka drejtuar vendin.
6 – Emmanuel Macron, Presidenti i Francës – Zgjedhja e tij si president ishte një surprizë më vete. Emmanuel Macron është 40-vjeç, një mashkull tejet simpatik, popullor, dhe me një pëlqyeshmëri të lartë edhe nga vendet e tjera të botës. Është padyshim lideri me moshën më të re që ka drejtuar ndonjëherë Francën, dhe në të gjitha listat e ngjashme ka kryesuar në vendet e para për paraqitjen e tij fizike./Ema Shazivari/Opinion.al
