I ftohti i fillimit të javës pritet të kulmojë ditën e mërkurë. Shërbimi “Meteoalb” parashikon që temperaturat e ulëta të ndjehen më tepër në pjesën veriore dhe atë qendrore të vendit. E mërkura dhe enjtja deri në mesditë pritet të jenë ditët më të ftohta të javës.
Vlerat e termometrit parashikohen në veri dhe verilindje të zbresin deri në -12 gradë celcius, ndërkohë në pjesën më të madhe të territorit temperatuarat do të regjistrojnë 0 gradë.
Rritja e temperaturave pritet të nisë mesditën e së enjtes dhe sipas meterologëve do të vijojë deri në fundjavë.
Reshjet e dobëta dhe rritja e temperatuarave sipas meterologëve do të bëjnë që ngricat të mos jenë problem në rrugë, duke filluar nga mëngjesi i të premtes.
