Vazhdon dhuna sistematike në futbollin elitar grek, ku duket se është shumë e vështirë që ndeshjet e mëdha të përfundojnë normalisht.
Olympiakos i Pireut-Paok i Selanikut është një nga ndeshjet më të flakta të futbollit grek, pasi bëhet fjalë për dy ekipe të dy qyteteve më të mëdha të Greqisë. Por kjo ndeshje është ndezur edhe më shumë këtë sezon pasi Paok synon titullin kampion ndërsa Olympiakos pas viteve të gjata dominim duket se nuk është më ekipi i pathyeshëm.
Edhe sot në këtë ndeshje ka ndodhur një episod i shëmtuar që ka çuar në ndërprerjen e ndeshjes.
Ultrasit e PAOK-t kanë hedhur sende të forta nga lart dhe njëra prej tyre ka prekur në nofull trajnerin e Olimpiakos, Oskar Garsia, duke e dëmtuar keq.
Mediat greke raportojnë që e gjithçka nisi nga një top letre ku mendohet se ishte mbështjellë një send i fortë, i cili u hodh në drejtim të trajnerit mik, me qëllim për ta dëmtuar atë.
Në këto kushte, është vendosur që ndeshja të shtyhej, pasi situata në stadium ishte shumë e tensionuar.
Trajneri Garcia është detyruar të shkojë drejt spitalit, pasi dyshohet se mund t’i jenë thyer dhëmbët.
Ultrasit e PAOK-ut ishin protagonistë edhe në episode të tjera përgjatë ndeshjes.
Në njërën prej tyre ata hynë në fushë me një flamur bullgar dhe fytyra të mbuluara, ndërsa në flamur shkruhej “Gate 4” (emri i një prej grupimeve më famëkeqe të ultrasve të PAOK-ut).
Situata ka dalë jashtë kontrollit dhe në rrugët e qytetit ka nisur përleshja mes policisë dhe tifozëve.
