Deputeti i Partisë Demokratike, Enkelejd Alibeaj është shprehur të mërkurën për esktradimin e Nezar Seitajt drejt Italisë se ka një ndalim kategorik ku nuk lejon ekstradimin nëse ka një vendim penal në Shqipëri.
Alibeaj tha se është një forcë madhore në vend, që ka lejuar ekstradimin e Nezar Seitajt drejt Italisë dhe që detyron disa institucione që të mos shohin.
Sipas tij, për të verifikuar nëse personi në fjalë kishte një vendim penal, disa institucione në vend mund t’a kryenin; siç është prokuroria, gjykata dhe Drejtoria e Burgjeve.
Alibeaj i është drejtuar Gjonajt se përse ajo është ministre e Drejtësisë kur deklaron që nuk ka informacion për Nazer Seitajn një nga persona më kyç për hetimin e Habilajve.
Enkelejd Alibeaj: Më fal pyetja është, nuk ke dëgjuar, nuk di, nuk pyet, më fal pse je Ministre e Drejtësisë ti?
Çfarë garancie i jep ti qeverisë shqiptare dhe shqiptarëve për Drejtësisë?
Kjo është pyetje e madhe, kjo pra është gjithë përgjegjshmëria që ka politika madhe qeveria juaj./Opinion.al
