Shqiptari hidhet nga kati i 5-të i hotelit, policia i gjen një shumë të madhe parash

Një shqiptar është vetëflijuar në Greqi. Mediat greke shkruajnë se ngjarja ka ndodhur në një hotel në Athinë. Burri kishte hyrë në hotel pa pyetur recepsionistin i cili menjëherë kishte lajmëruar policinë. Kur ka mbërritur policia e ka gjetur shqiptarin në tokë dhe pa ndjenja pasi ishte hedhur nga kati i pestë. Ambulanca ka mbërritur shpejt në vendngjarje por nuk mundën ta mbanin në jetë për shkak të plagëve të marra. Policia greke, në vendin e ngjarjes gjeti një çantë një shumë të madhe parash që viktima i kishte me vete. Po kështu iu gjet edhe një dokument me emrin Emiljano Desaj, me vendlindje Skrapar.  Po vazhdojnë hetimet e policisë greke për shkaqet që e çuan shqiptarin drejt aktit fatal.