Kryeprokurorja Arta Marku pas lëvizjeve në Prokurorinë e Përgjithshme tashmë ka nisur furtunën në prokuroritë e rretheve. Ashtu siç u bë e ditur edhe më herët ka larguar z. Dritan Gina nga drejtimi i prokurorisë së Elbasanit dhe në vend të tij ka dërguar Ardian Nezhën. Po ashtu ka lëvizur edhe prokurorët e Fierit e të Kukësit. Kështë në Fier është komanduar Fatmir Lushi dhe në Kukës, Alketa Nushi.
Më poshtë njoftimi për mediat i Prorkurorisë së Përgjithshme
Në kuadër të riorganizimit, mirëfunksionimit të organit të akuzës, rritjes së performancës dhe besueshmërisë së publikut tek ky institucion, Prokurori i Përgjithshëm, znj. Arta Marku nënshkroi ndryshimet si më poshtë:
Duke filluar nga dita e sotme, datë 09. 01. 2018,
Z. Dritan Gina, Drejtues i komanduar i Prokurorisë së Rrethit Gjyqësor Elbasan, i ndërpritet komandimi dhe kthehet si prokuror në Prokurorinë ku është i emëruar;
Drejtues i Përkohshëm i Prokurorisë së Rrethit Gjyqësor Elbasan, caktohet prokurori, z.Ardjan Nezha.
Z. Pali Deçolli, Drejtues i komanduar i Prokurorisë së Rrethit Gjyqësor Fier, i ndërpritet komandimi dhe kthehet si prokuror në Prokurorinë ku është i emëruar;
Drejtues i Përkohshëm i Prokurorisë së Rrethit Gjyqësor Fier, caktohet prokurori, z.Fatmir Lushi.
Z. Artur Ismailukaj, Drejtues i komanduar i Prokurorisë së Rrethit Gjyqësor Kukës, i ndërpritet komandimi dhe kthehet si prokuror në Prokurorinë ku është i emëruar;
Drejtues i Përkohshëm i Prokurorisë së Rrethit Gjyqësor Kukës, caktohet prokurori, zj.Alketa Nushi.
