Viti i Ri 2018 nisi xhiron e globit me spektaklin tradicional të fishekzjarreve në Zelandën e Re. Në kullën e Oklendit ishin vendosur mbi 3 mijë fishekzjarrë, të cilët shpërthyen në mënyrë të sinkronizuar sapo akrepat shënuan mesnatën me orën lokale.
Rreth një orë më vonë 2018-a trokiti edhe në Australi. Dhjetëra mijëra njerëz të mbledhur në Sidnej ndoqën spektaklin e fishekzjarreve në urën e famshme “Harbour Bridge”.
Fishekzjarret shumëngjyrëshe krijonin idenë e ngjyrave të ylberit, për të përkujtuar edhe legalizimin kohët e fundit të martesave homoseksuale ne vend.
Spektakli i fishekzjarreve vijon me Tokion, Hong Kongun e metropolet kryesore të Azisë, për të mbërritur më pas në Europë e Shtetet e Bashkuara. Në sheshet kryesore të kryeqyteteve perëndimore masat e sigurisë janë të rrepta nga frika e sulmeve terroriste.
Tv Klan
