Ministria e Punëve të Jashtme të Francës i ka dërguar Ambasadës së Shqipërisë në Francë një sqarim në lidhje me rrethanat e gjetjes së trupit të Florenc Beqiraj, i cili ndërroi jetë ditën e djeshme në koma në rrethana ende të pasqaruara nga autoritetet franceze. Sipas Ministrisë së Jashtme të Francës trupi i Beqiraj u gjet më 14 dhjetor në gjendje të pandërgjegjshme. Hetimi mbi ngjarjen ka nisur menjëherë. Ndërkohë që autopsia e trupit të 23 vjeçarit do të bëhet në ditët në vazhdim, ndërsa hetimet do të vazhdojnë edhe më pas. Ndërkohë që Ambasada e Shqipërisë në Francë po kujdeset që trupi i Florenc Beqiraj të kthehet në Shqipëri.
