Një predikues turk mendon se meshkujt pa mjekër duken si femra dhe për këtë arsye ata duhet të rrisin qime në fytyrë që të evitohet çdo konfuzion i mundshëm.
Duke folur në një program televiziv fetar, Murat Bayaral tha: “Meshkujt duhet të mbajnë mjekër. Mjekra është një ndër dy pjesët e trupit që ndan meshkujt nga femrat. Për shembull nëse sheh një mashkull me flokë të gjata nga larg, mund të mendosh se ai është femër nëse nuk ka mjekër. Sepse ditët e sotme meshkujt dhe femrat vishen në mënyrë të ngjashme”.
“Allahu mos e lejoftë, mund të pushtohesh nga mendime të turpshme”.
E përdishmja britanike “Metro” shkruan se këto deklarata tërhoqën jo pak vëmendjen nëpër botë dhe siç mund të pritej shkaktuan reagime të ashpra.
Mjekra konsiderohet shpesh si simbol i myslimanëve të devotshëm, por shumë dijetarë islamikë debatojnë se nuk është e detyrueshme. Ata gjithashtu thonë se nuk ka asgjë në Kuran që të sugjerojë se meshkujt duhet të mbajnë mjekër./tvklan.al
