Ambasadori i Shteteve të Bashkuara të Amerikës në OSBE, Harry Kamian ka deklaruar në Vjenë se “korrupsioni dhe kriminaliteti mbeten pengesat për zhvillimin e Shqipërisë”. Më tej është shprehur: “Ish-ministri i Brendshëm është implikuar në Itali për mbështetjen e trafikantëve të drogës”. Zyrtari amerikan e bëri këtë koment në përgjigje të raportit që mbajti Kryetari i Prezencës së OSBE-së në Shqipëri, ambasadori Bernd Borchardt.
Përgjigje kryetarit të Prezencës së OSBE-së në Shqipëri Bernd Borchardt nga i ngarkuari me punë, ambasadori i SHBA në OSBE, Vienë Harry Kamian
“Shtetet e Bashkuara e përshëndesin ambasadorin Borchardt. Në vitin e saj të njëzetë, Prezenca e OSBE-së në Shqipëri ka bërë përparim të rëndësishëm për të ndihmuar Shqipërinë në luftën kundër korrupsionin dhe krimin e organizuar, kundër ekstremizmit të dhunshëm dhe reformimin e gjyqësorit.
Ambasador, ne mirëpresim veçanërisht qasjen bashkëpunuese me qeverinë shqiptare, shoqërinë civile dhe sektorin privat, dhe e vlerësojmë shumë raportin e hollësishëm të detajuar që sapo keni dhënë.
Ambasador, vëmë re punën e rëndësishme të stafit tuaj në mbështetjen e vëzhguesve të zgjedhjeve të ODIHR-it – për të ndihmuar Shqipërinë me zgjedhjet parlamentare në Qershor. Në raportin e tij fillestar, ODIHR-i gjeti se kandidatët kishin bërë fushatë të lirë dhe respektuan të drejtat themelore. Po kështu ODIHR raportoi se Shqipëria nuk arriti të adresojë shumë nga rekomandimet e ODIHR dhe Komisionit të Venecias të Këshillit të Evropës nga viti 2013 dhe 2015, duke përfshirë nevojën për depolitizimin e administratës zgjedhore. Përveç kësaj, ODIHR raportoi se besimi i publikut në procesin zgjedhor mbetet i ulët. Rrjedhimisht, Shtetet e Bashkuara përshëndetën takimin e parë të komitetit ad hoc të reformës zgjedhore të Shqipërisë më 10 Nëntor.
OSBE po mbështet gjithashtu përpjekjet e Shqipërisë për të zhvilluar një sistem për Informimin e Pasagjerëve, i cili kërkon të përmirësojë përpjekjet globale për të penguar terroristët tw futen nw perwndim.
Misioni juaj ka qenë gjithashtu aktiv në hartimin e Planit Kombëtar të Veprimit të Shqipërisë kundër Kultivimit dhe Trafikimit të Kanabisit për periudhën 2017 -2020. Shtetet e Bashkuara janë të gatshme të krijojnë një koordinim edhe më të ngushtë me zyrën tuaj në ndjekjen e qëllimeve të përbashkëta.
Mbetet shumë punë për tu bërë në Shqipëri. Korrupsioni dhe kriminaliteti në të vërtetë mbeten pengesa për prosperitetin në Shqipëri. Prokuroria e Tiranës po heton aktualisht më shumë se 3,000 raste të shkarkimeve nga puna gjatë fushatës zgjedhore 2017, një shqetësim që është ngritur edhe nga ODIHR. Sakaq, një ish-ministër i Brendshëm – i cili tani deputet është i implikuar në Itali nw mbështetjen e trafikantëve të drogës. Duke adresuar kwto probleme koordinimi midis aktorëve ndërkombëtarë do të vazhdojë në Shqipëri”. /Opinion.al
