Prej ditësh po qarkullon në media se Adriatik Llallës i mbaron më 4 dhejtor. Nga ana tjetër burime nga prokuroria thanë se me Kushtetutën e re, ka ndryshuar edhe kohëzgjatja e kryeprokurorit në detyrë. Lidhur me këtë është pyetur sot nga mediat, lideri i opozitës Lulzim Basha. Ai tha se Rama ka hallin tek Tahiri dhe për këtë është gati të bëjë gjithçka. Ai u zotua se opozita nuk do lejojë kapjen e institucionit të akuzës.
Deklarata e Bashës
Mandati i kryeprokurorit është zbatimi i ligjeve dhe cdo hap për të vendosur kthetrat e narko-mafies do të përballet me opozitën. Rama ka hallin e Tahirit dhe të tjerëve dhe në funksion të ndalimit.
Qëndrimi ynë është zbatimi pikë për pikë i Kushtetues dhe ligjeve dhe çdo hap për të vendosur mafia në prokurori do përballet me ne. Rama ka hallin e Tahirit, nuk ka hall mandati. Në funksion të ndalimit të hetimit për Tahirin është gati t’i thotë këmbës dorë dhe e kundërta. Qëndrimi ynë është respekti i plotë i Kushtetutës. Nuk lejojmë asnjë tentim të kapjes së Prokurorisë.
