Rama para Parlamentit ofendon gazetarët: “Së pari turp për të gjithë ju dhe të gjithë ata si ju që nuk keni kuptuar për ca bëhet fjalë. Tollovisni miletin me këto pyetje pa lidhje. S’keni kuptuar se pse jemi sot në kushte të paqarta për këdo që merr mundimin të lexojë 5 rreshta përpara se të akuzojë me misionin e ndërpmjetësit (gazetarit).
Ju s’keni marrë vesh se imuniteti i deputetit ka rënë prej kohësh. S’jemi në situatë që t’ia heqim apo të mos ia heqim imunitetin.
Ju s’keni marrë vesh akoma dhe mund të qeshni sa të doni, por se jeni pjesë e problemit të madh ku akuzat kërcasin dhe ju veç i përçoni si tel bakri, që nuk kuptoni se sot jemi këtu jo për të mbrojtur një deputet por për të mbrojtur kushtetutën.
Cili prej jush do pranonte që pronari ta çonte në burg me idenë se mbase dikush nga ju ka vjedhur një mikrofon. Këtë nuk e vendos gjykata se ju nuk kuptoni asgjë”.
Deklarata përpara parlamentit fill pas votimit të mazhorancës për të mos i hequr imunitetin Saimir Tahirit.
