Eminem është një prej këngëtarëve më të suskesshëm në botë dhe muzika e tij ka frymëzuar shumë njerëz. Ai është shumë i lakmuar për bashkëpunime, por jo të gjithë mund t’ja alin. Pink është një prej atyre këngëtareve e cila nuk e ka pasur shumë të thjeshtë t’i kërkonte atij bashkëpunim. Ajo tegon emocionet e mëdha përpara se ti niste reperit nje e-mail.
“Ishim duke pirë shumë verë, pastaj shkova në shtëpi dhe mendova se ishte ide e mirë që të pija akoma më shumë”, ka treguar Pink.
Pas disa gotash të tjera, 38-vjearja më në fund kishte vendosur që të kontaktonte me reperin e famshëm dhe ta njoftonte për projektin e ri.
“I dërgova e-mail. Për këtë arsye e quajnë guximi nga alkooli. I thashë: ‘Ti e di se të dua. Më pëlqen që punon me shumë njerëz të ngjashëm, si Rihanna. Ajo është më atraktive se unë, por unë jam më gazmore. Prandaj po përpiqem ta fitoj një Grammy në rep dhe do të më pëlqente ta realizojmë bashkë”, ka rrëfyer këngëtarja.
Eminem i ka kthyer përgjigje menjëherë duke e befasuar kështu këngëtaren. “Unë ia dërgova një e-mail të gjatë, ndërsa ai ma ktheu menjëherë duke shkruar vetëm: ‘Në rregull’”, ka theksuar Pink.
Albumi i ri i këngëtares me titull “Beautiful Trauma” është publikuar më 13 tetor dhe bashkëpunimi me Eminemin është pjesë e atij albumi.
