Një aksident me pasojë vdekjen e një të moshuare është regjistruar mëngjesin e sotëm në kryeqytet.
Ngjarja është regjistruar rreth orës 08:30 tek “Ura e Institutit” në Kamëz, ku një autobus linje ka aksidentuar një këmbësore.
“Tek “Ura e Institutit”, autobuzi i linjës së Kamzës, me drejtues shtetasin B. Ç., ka aksidentuar me vdekje, një shtetase (femër), ende të paidentifikuar, të moshuar. Mjeti dhe drejtuesi ndodhen në vendngjarje” infomon policia.
Në vendngjarje kanë mbërritur shërbimet e policisë dhe ambulance. Po kryhen veprimet nga shërbimet e policisë.
