Takimi i kryetarit të Partisë Demokratike, Lulzim Basha me kryetaren e LSI-së, Monika Kryemadhi në seancën parlamentare të së enjtes, duket se ka dhënë edhe “rezultatin” e parë.
Me sa duket ky ka qenë sinjali i parë i një bashkëpunimi mes opozitës. Rezultati i parë i këtij takimi është vënë re në mbledhjen e djeshme të Këshillit Bashkiak të Përrenjasit, ku anëtarët e PD-së kanë bashkuar votat me LSI-në duke rrëzuar socialistët, të cilët i thanë “jo” një projekti për 150 kazanë plehrash.
Arsyeja e mbledhjes së këshillit ishte për të marrë në shqyrtim dhe për të miratuar një projekt të zyrës urbanistike, i cili ka marrë mbështetjen e kryetares së bashkisë, Miranda Rira.
Por debatet në Këshill për këtë projekt kanë zgjatur rreth 4 orë. Siç shkruan “infoelbasani”, referuar burimeve nga Bashkia Përrenjas, prej 3 muajsh anëtarët e PS-së, të cilët janë pjesë e këshillit bashkiak, e kanë kundërshëtuar këtë projekt i cili është vetëm në të mirë të banorëve të Prrenjasit dhe zonave përrreth, shkruan infoelbasani.
Por më në fund Këshilli Bashkiak e ka miratuar projektin pasi anëtarët e PD-së kanë bashkuar votat me LSI-në duke rrëzuar socialistët.
Firma e ka mbaruar kontratën e pastrimit dhe projekti i ri ka si qëllim kontraktimin e një firme tjetër për një periudhë 5-vjeçare. Për të pasur një mjedis akoma më të pastër, rreth 150 kazanë të rinj plehrash do të shpërndahen në të gjithë territorin e bashkisë së Përrenjasit.
