Hillary Clinton është një nga gratë më të famshme në fushën e politikës botërore. Vetëm disa muaj më parë ajo i humbi zgjedhjet për t’u bërë presidentja e parë grua në historinë e Shteteve të Bashkuara të Amerikës.
Ajo që u vu re është se Clinton asnjëherë nuk zhgënjeu me paraqitjet e saj në pamje dhe oratori, aq sa e gjithë bota mendoi se ajo do te ishte fituesja e zgjedhjeve.
Kështu që do të ndalemi pak tek pamja e saj pasi ka disa të dhëna që do t’ju bëjnë të habiteni.
Clinton kishte një rutinë bukurie çdo ditë, pasi në rast se dilte pa grim, kjo gjë përbënte lajm për mediat, ajo ishte çdo herë e kuruar dhe e grimuar deri në detaje. Tani pasi ka kaluar çdo gjë tashmë, ka përllogaritur sa orë ka shpenzuar për paraqitjen e saj të jashtme.
“Nuk e kisha kuptuar asnjëherë sa shumë përpiqej një grua për t’u dukur mirë në sytë e publikut. Një herë llogarita orët që kisha shpenzuar për të bërë gati flokët dhe grimit, gjatë fushatës, dhe u shokova kur pashë rezultatin. Unë kisha shpenzuar 600 orë, ose 25 ditë për këtë gjë. U shokova, kontrollova dy herë llogaritjet ”,-ka treguar Clinton.
Po ashtu një studim i kryer së fundmi, ka treguar se një grua shpenzon 355 orë, ose 2 javë në vit për t’u kujdesur për paraqitjen e saj. /Opinion.al
