Një shtetas bullgar ka rënë në pranga dhe një tjetër është shpallur në kërkim nga policia, për vjedhjen e ATM-ve të disa bankave të nivelit të dytë në Tiranë.
Burimet policore thanë se gjatë operacionit të koduar “Skimmer 09”, zbuluan skemën e vjedhjes dhe pas kësaj arritën të arrestojnë njërin nga të dyshuarit, ndërsa tjetri është shpallur në kërkim.
Mësohet se gjatë aksionit janë sekuestruar pajisje montimi në ATM, kapele, dy karta banke dhe një sasi lekësh.
Të njëjtat burime tregojnë se oficerët e krimit të organizuar në Policinë e Tiranës kanë arrestuar shtetasin bullgar, Onstantin Eftimov, 25-vjeç, banues në Sofie, Bullgari.
Është bërë me dije se ky person, në bashkëpunim me bullgarin tjetër me inicialet A.M, kryenin vjedhjet e ATM-ve të disa bankave të nivelit të dytë, duke instaluar aparate të quajtura “Skimmer”, të cilat shërbenin për klonimin dhe vjedhjen e të dhënave të kartave të ATM-ve.
Sipas policisë, gjatë aksionit, janë sekuestruar pajisje skimmer, kapele me mbishkrim “Guçi”, aparat celularë, 2 karta banke, një sasi lekësh dhe disa copa teli.
https://www.dailymotion.com/video/x61tcz8
