Një aksion i fundit i Policisë së Elbasanit ka bërë të mundur arrestimin e tri personave, përkatësisht të shtetasve Luan Duka 41 vjeç banues në Tiranë, Nafie Miraka 19 vjeç dhe Agron Rucaj 23 vjeç banues në Elbasan. Dy shtetasit e fundit u ndaluan pasi këmbyen 100 euro false ndërsa nga kontrolli në banesa iu gjetën 11 mijë euro të falsifikuara. Ndërkohë që policia po punon për kapjen e personave të tjerë të përfshirë në këtë rrjet të falsifimit të kartmonedhave.
Akuza
Arrestimi i tyre, u bë pasi në bashkëpunim me njëri – tjetrin, në pikën Exchange të shtetasit me iniciale N.K, në qytetin e Gramshit, kanë këmbyer 3 kartmonedha, me prerje 100 Euro secila të cilat dyshohet se janë false. Menjëherë me marjen e informacionit, janë organizuar shërbimet dhe në afërsi të fshatit Gostimë, është ndaluar mjeti tip “Peugeot” me të cilin udhëtonin shtetasit e lartpërmendur. Grupi hetimor, gjatë kontrollit personal, i ka gjetur dhe sekuestruar në cilësinë e provës materiale: 11.000 Euro, të dyshuara të falsifikuara. Hetimet vazhdojë, për kapjen e personave të tjerë të përfshirë në këtë veprimtari kriminale. Materialet i kaluan Prokurorisë Pranë Gjykatës së Shkallës së Parë Elbasan për veprime të mëtejshme për veprën penale “Falsifikimi i monedhave, i kryer në bashkëpunim”, parashikuar nga neni 183/2 i Kodit Penal.
