Rrëfehet aktorja e njohur e Hollyëood: Lidhjet e mia i djallos gjithmonë

Ishin një ndër ҫiftet më simpatik në Hollywood, por kjo ka ndodhur rreth 20 vite më parë. Edhe pse sapo dëgjon emrin e Gwyneth Paltrow në mendje të vjen vetëm mirëqënia dhe shëndeti, kjo e fundit nuk mund të renditet ndër personazhet më të preferuar ndër VIP-at, pikërisht për rëndësinë e tepruar që i kushton trupit dhe organizmit. E fejuar për një vit me Brad Pitt, ҫifti theu zemrat e fansave kur dhanë lajmërimin për ndarje. Në vitet në vijim, aktorja u përfshi në lidhje dashurie me të tjerë artistë, si Ben Affleck, ashtu sikurse më vonë u martua me Chris Martin, me të cilin u nda në 2014. Tashmë, artistja ka vendosur të rrëfehet përfundimisht për disa nga lidhjet e saj më të përfolura. “Kam djallosur shumë lidhje”, ka thënë Paltrow, “Jam një mike shumë e mirë, motër shumë e mirë, nënë e bijë shumë e mirë…por për romanticitet lë gjithmonë për të dëshiruar”. Duke vijuar në të njejtin kontekst, Gwyneth ka habitur ҫdokënd kur ka deklaruar: “Më është dashur jashtëzakonisht shumë punë për të arritur të kem një lidhje shumë të mirë. Kështu që, Brad Pitt, nëse je duke më dëgjuar, e djallosa dhe atë ҫka patëm bashkë”. Përpos kësaj, aktorja ka zbuluar se ҫdo të thotë për të një lidhje ideale, duke sqaruar se për një përcaktim të tillë nevojitet një marrëdhënie fitimprurëse, në aspektin emocional dhe shpirtëror. “Ky është suksesi për mua”, ka shpjeguar artistja. Më e sinqertë se kaq, nuk bëhej Gwyneth!