Kryetarja e LSI-së, Monika Kryemadhi ka reaguar me një tjetër postim pas reagimit të kryeministrit Edi Rama në lidhje me vrasjen e gjyqtares Fildez Hafizi ditën e sotme në Tiranë nga ish bashkëshorti.
Kryeministri përmes një postimi në Facebook i quan krokodilë ata që sot akuzojnë, ndërsa ka bërë thirrje që reforma në drejtësi dhe vetingu të vazhdojnë.
Kryemadhi ka thumbur kryeministrin duke u shprehur se: “Skënderbe” i kohëve moderne nuk ka as konceptin më të vogël dhe ndjesinë e përgjegjësisë dhe si për çdo ngjarje kërkon fajtorë larg vetes dhe oborrit të tij”.
Statusi i plotë:
Mënyra më e shëmtuar për t’iu shmangur përgjegjësive!
I vetëshpalluri “Skënderbe” i kohëve moderne nuk ka as konceptin më të vogël dhe ndjesinë e përgjegjësisë dhe si për çdo ngjarje kërkon fajtorë larg vetes dhe oborrit të tij. Vrajsa e një nëne, gruaje dhe punonjëseje dinjitoze të drejtësisë është këmbana për çdo shtetar të djeshëm dhe të sotëm për të mbajtur përgjegjësitë që na takojnë. Çdo përpjekje për të larë duart si Pontius Pilate është tregues i qartë i dështimit të qeverisë nga një burrë që thellë në ndërgjegjje ka ndoshta dobësite e tij për dhunën ndaj grave.
Shënimi i kryeministrit Rama:
Në një postim në Facebook, Rama u ka kthyer përgjigje akuzave politike në lidhje me sistemin e drejtësisë dhe funksionimin institucioneve shtetërore.
Kryeministri i quan krokodilë ata që sot akuzojnë, ndërsa ka bërë thirrje që reforma në drejtësi dhe vetingu të vazhdojnë.
“Krokodilët që lotojnë për gjykatësen e ndjerë nuk donin as Reformën në Drejtësi as Vetingun! Përpara me Vetingun për drejtësinë që duam”, shkruan Rama.
‘Vrasje e paralajmëruar’, reagon Kryemadhi për ekzekutimin e gjyqtares: Sistemi dhunon gratë e pafajshme
Kryetarja e Lëvizjes Socialiste për Integrim, Monika Kryemadhi, ka reaguar në lidhje me vrasjen e gjyqtares Fildez Hafizi.
Me anë të një status në “Facebook”, Kryeamadhi e cileson vrasjen nje akt te rende.
“Sot ngre zerin tim fuqishem kunder ketij sistemi qe ende dhunon grate e pafajshme. Te gjithe ne mbajme pergjegjesite tona per kete situate te rende, por me shume duhet te ndihen pergjegjes ata qe e lane nenen e dy femijeve ne doren e nje vrasesi qe disa here e kishte paralajmeruar aktin e tij te burracakërisë,” shkruan Kryemadhi.
Statusi i plotë
“Vrasja e paralajmeruar e nje nene, gruaje per me teper gjyqtare eshte akti me i rende dhe katastrofik qe mund ti ndodhe nje vendi qe pretendon te jete anetar i BE. Me revolten e nje nene, me forcen e nje gruaje qe ka perballuar shume veshtiresi ne jete dhe me kurajon e perfaqsimit te nje force politike si LSI, sot ngre zerin tim fuqishem kunder ketij sistemi qe ende dhunon grate e pafajshme. Te gjithe ne mbajme pergjegjesite tona per kete situate te rende, por me shume duhet te ndihen pergjegjes ata qe e lane nenen e dy femijeve ne doren e nje vrasesi qe disa here e kishte paralajmeruar aktin e tij te burracakerise. Policia, gjykata, shoqatat per mbrojtjen e te drejteva te grave, politika dhe e gjithe shoqeria shqiptare duhet te reagoje me force dhe efikasitet. Qarravitjet ne rrjetet sociale apo emisione televizive nuk mund ta zgjidhin kurre kete situate te renduar te krimit ne familje. Duhet qe cdo gje te nise nga vete ne”.
