Lajmi se në aeroportin e Rinasit u kapën armë të llojit kallashnikov AK-47, të cilat do dërgoheshin me postë drejt Anglisë, ka nxitur reagimin e mediave britanike. Ka qënë pikërisht “Daily Mail” e cila ka shkruar një artikull lidhur me këtë ngjarje. Arma ishte adresuar drejt Londrës, ndërsa autoritetet mendojnë se do të përdorej për sulme terroriste.
Për këtë ngjarje, autoritetet shqiptare kanë arrestuar Sajmir Cullhaj, 32 vjec. Sipas “Daily Mail” i arrestuari e kishte marrë urdhrin për të dërguar armët vetëm 3 ditë më parë.
Stafi i sigurisë në aeroportin e Rinasit i zbuloi armët në ngarkesën që po bëhej gati të nisej drejt Britanisë. Armët ishin mbështjellë me peshqirë dhe celofan brenda një kutie postare DHL që përmbante edhe rroba dhe letra. “Daily Mail” shton në artikull se autoritetet shqiptare e kishin shtuar sigurinë pas sulmeve terroriste të ndodhura në Londër dhe Barcelonë.
Zyrtarët nuk kanë lëshuar adresën e shpërndarjes, por thanë se kanë njoftuar homologët e tyre në Mbretërinë e Bashkuar. Saimir Cullhaj, 32 vjeç, që u arrestua në Shqipëri pas konfiskimit të armëve, thuhet se kishte marrë urdhër për të lëvizuar armët tre ditë përpara setë bënte dërgesën, mbrëmjen e së premtes.
Cullhaj ka refuzuar të japë detaje se ku i kishte gjetur armët, për çfarë do të prdoreshin ose kush ishin marrësit. Hetuesit janë ndërkohë duke gjurmuar edhe një burrë nga Durrësi me iniciale NF, prej nga u dërgua paketa.
Zëdhënësi i DHL nuk iu përgjigj kërkesës për ta komentuar ngjarjen./Opinion.al
