Ish-deputetja Mimoza Hafizi, ka komentuar me anë të një statusi rivendosjen e Lindita Nikollës në krye të Ministrisë së Arsimit. Sipas saj kjo vetëm sa do të favorizojë klientët privatë, dhe do të bjerë në kurriz të studentëve, nxënësve dhe mësuesve.
Statusi i Plotë:
Aspak surprizë për askënd vazhdimësia në arsim e Qeverisë!
E hidhur për studentët, për nxënësit e mësuesit, por jo për klientët privatë të Rilindjes. Ata le të vazhdojnë të përfitojnë, të tallen, të kënaqen, pasi marionetat politike në krye të arsimit do kalojnë lehtësisht çdo akt e ligj në favorin e tyre. Duke cënuar pa dhimbje hapësirën e vuajtur të arsimit publik.
Ende shpresoj e besoj të ketë rezistencë, LIBRA do të jetë zëri i vlerave në politikë, në mbrojtje të demokracisë dhe interesit publik. Gjithsesi, më mirë
Sokrat i vuajtur sesa derr i kënaqur!
