Është zbuluar identiteti i personit të plagosur me armë zjarri mbrëmjen e sotme në rrugën “4 Dëshmorët”, pranë gjimnazit “Partizani” në Tiranë.
Mësohet se shtetasi Edison Delia, 26-vjeç, mbeti i plagosur gjatë një atentati me armë e llojit pistoletë rreth orës 21:11 në kryeqytet.
Burimet policore thanë se në vendin e ngjarjes janë sekuestruar gëzhoja të qitura nga armë e llojit pistoletë.
Po të njëjtat burime bëjnë me dije se janë ngritur pika kontrolli në hyrje dhe dalje të zonës dhe po vazhdon krehja e zonës.
Personi i plagosur është dërguar menjëherë drejt spitalit për të marrë ndihmën e parë. Forca të shumta policie kanë mbërritur në vendngjarje dhe po vazhdon puna për zbardhjen e shkakut dhe rrethanave të ngjarjes.
