Një 45-vjeçar është gjetur i pajetë në breg pranë zonës së Nartës, ndërsa trupi është dërguar në morgun e spitalit. Fatkeqësisht, ditën e sotme, në plazhet shqiptare kanë humbur jetën edhe dy persona të tjerë.
Rasti i parë është shënuar në plazhin e Zvernecit, rreth orës 11:25, ku një 82-vjeçar humbi jetën si pasojë e një ataku kardiak, bën me dije ekspertiza mjeko-ligjore.
Shtetasi me inicialet Z.I., banues në Fier, po pushonte në atë zonë. Ndërsa, një tjetër ngjarje e rëndë u shënua mesditën e sotme në Divjakë. Një 40-vjeçar ka humbur jetën, ndërsa fatmirësisht pushuesit kanë mundur të shpëtojnë vajzën e tij vetëm 7 vjeçe.
40-vjeçari me inicialet E. D., dhe vajzën e tij i kishte marrë rrjedha e ujit nga pakujdesia. Në këtë situatë kanë ndërhyrë pushuesit e tjerë që ndodheshin aty, duke e shpëtuar vajzën e mitur, por 40-vjeçari nuk ja ka dalë që të shpëtojë.
