“MISSING GIFT” (dhurata e humbur) kështu quhet operacioni policor në Shkodër që çoi në pranga një hajdut dhe identifikoi 1 tjetër të shpallur në kërkim.
Policia tha se hajdutët ishin kthyer në tmerrin e Shkodrës, pasi u vidhnin njerëzve dhe kryesisht grave e vajzave sendet me vlerë në rrugë. Po kështu në hetim janë dhe dy pronar dyqanesh që blinin nga hajdutët sendet e vjedhura dhe më pas i shisnin.
Policia tha se personi i arrestuar është Klodian Sinaj, 28 vjeç, banues në Shkodër i dënuar edhe më prë për vjedhje. Ndërsa bashkëpunëtori i tij në vjedhje O.M. është shpallur në kërkim.
“T. T. 61 vjeç dhe K.T, 34 vjeç, të dy banues në Shkodër dyshohet se në dyqanin e tyre i pranonin dhe i blinin sendet e vjedhura nga 2 autorët e ngjarjes”, bëri të ditur policia e Shkodrës.
Më tej thuhet se janë zbardhur dhe dokumentuar me prova ligjore 7 vjedhje me dhunë , ku shtetasi Klodian Sinaj në bashkëpunim me shtetasin O. M, dyshohen si autorë të tyre.
7 vjedhjet e dokumentuara nga policia
1 -Me datë 07.02.2017, në vendin e quajtur Rruga ”Qyteza e Gajtanit” i kanë vjedhur një varëse floriri, shtetases P. A.
2- Me datë 10.02.2017, në vendin e quajtur mapo “Parrucë” ,i kanë vjedhur një telefon, një Tablet , dhe një vlerë monetare shtetases K. B.
3- Me datë 25.03.2017 , në vendin e quajtur Lagjja “Vasil Shanto “tek një dyqan i këmbimit valutor, i kanë vjedhur një telefon shtetasit M. Q.
4- Me datë 15.04.2017, në vendin e quajtur Rruga “Fahri Ramadani” Shkodër i kanë vjedhur një varëse floriri, shtetases M. Z.
5- Me datë 30.04.2017 , në vendin e quajtur Rruga ”Kongresi Përmetit” i kanë vjedhur një çantë në pronësi të shtetases E. D.
6- Me datë 13.05.2017, në vendin e quajtur Rruga “Mbreti Gent” i kanë vjedhur një telefon shtetases S. I.
7- Me datë 12.06.2017, në vendin e quajtur Rruga ”Jezuitve” i kanë vjedhur me dhunë një varëse floriri shtetases M. K.
/Opinion.al
