Ka qenë një fluturim jo fort i këndshëm ai i avionit “MU774” mëngjesin e sotëm, i cili kryente itinerarin Paris-Kunming që është edhe kryeqyteti i provincës jugperëndimore të Kinës, Yunnan. Turbulencat e shumta të ajrit kanë plagosur 12 pasagjerë që gjendeshin në bord raportojnë mediat ndërkombëtare. Për fat të mirë avioni është ulur pa probleme në Kunming, ndërkohë që personat e lënduar janë dërguar në spital për të marrë ndihmën e parë mjekësore, raporton agjencia kineze e lajmeve Xinhua.
Janë të paktën 12 personat e lënduar që janë shtruar në spital, të cilët janë shfaqur me thyerje, plagë dhe lëndime në kokë.
Transportuesi ajror, në një deklaratë të lëshuar, tha se avioni “hasi papritmas turbullira” dhe “disa pasagjerë përjetuan momente të veshtira”.
Incidenti i pakëndshëm vjen një javë pasi një tjetër avion i “China Eastern Airline”, i nisur për në Shanghai u kthye në Sidnei për shkak të një vrime të madhe në një pjesë të motorit të majtë.
