Një foshnjë ka vdekur ende pa parë me sy dritën jashtë barkut të nënës. Ngjarja e rëndë është shënuar pak ditë më parë, por vetëm dje në Policinë e Vlorës ka bërë kallëzim babai ndaj mjekëve të cilet sipas tij, nuk kanë dhënë përgjigje bindëse për ngjarjen e rëndë.
“Panorama” mëson se ka qenë shtetasi F.H, 36 vjeç, i cili ka bërë kallëzim se më datë 27.05.2017, bashkëshortja e tij, gruaja me inicialet P.H, 31 vjeç, ka kryer vizitë në Maternitetin e Vlorës.
Por në vend që të mësonte ndonjë lajm të mirë, aty ka mësuar se foshnja e saj ka qenë i vdekur në bark.
Referuar dëshmisë së bashkëshortit të saj në Polici, ai ka deklaruar se mjekët nuk kanë dhënë përgjigje bindëse për vdekjen e foshnjës, mëson “Panorama”.
Sipas bluve, u referuan materialet në Prokurorinë e Rrethit Gjyqësor Vlorë, për vlerësim dhe po punohet për dokumentimin e plotë të ngjarjes.
