Një shpërthim ka ndodhur në një banesë mesnatën e djeshme në Fushë-Krujë. Fatmirësisht nuk raportohen të lënduar por vetëm dëme materiale. Policia thotë se është identifikuar dhe shpallur në kërkim autori, L.Ç. 32 vjeç, banues në Fushë –Krujë. Ky person dyshohet se ka vendosur lëndë plasëse artizanale në banesën e fqinjit në mesnatë në fshatin Arrameras.
Sipas policisë, lënda plasëse shpërtheu në murin rrethues të banesës së 43 vjeçarit D.T. Për pasojë janë shkaktuar dëme të vogla materiale. Gjatë këqyrjes së vendit të ngjarjes janë gjetur dhe sekuestruar në cilësinë e provës materiale një fitil zjarr-përcjellës 16 cm dhe një qese plastike me ngjyrë të verdhë. Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Shkatërrimi i pronës me eksploziv”dhe ‘Prodhimi dhe mbajtja pa leje e armëve luftarake dhe e municionit”.
