Në një takim me të rinjtë e Lezhës, kryeministri Edi Rama ka ndarë këshillën që i ka dhënë vajzës së tij Reas pasi mbaroi studimet. Kryeministri i ka sugjeruar Reas të harrojë shtetin dhe të “dalë mbi ujë” me forcat e veta.
“Ne kemi gocën arkitekte dhe ka studiuar jashtë dhe i kemi thënë që në fillim harroje shtetin dhe shiko të ushtrosh profesionin dhe të dalësh mbi ujë me forcat e tua. Për një periudhë kohe punoi asistente në një kantier. Pastaj ka hapur një studio të veten të vogël. Është profesion i jashtëzakonshëm, por ka shumë konkurrencë dhe do shumë kurajo. Po ku është kollaj? Asgjëkund. Ja Milena e di. Sa aplikime për punë bënin jashtë?” pyeti kryeministri ndërsa fliste për vajzën e madhe të Lindës, arkitekten e re Rea.
Ndërkohë që Rean së fundmi e kemi parë që në ekspozitat e saj ka marrë edhe Zahon, vëllain e saj të vogël.
