Kreu i Partisë Demokratike, Lulzim Basha foli sot nga ‘Çadra e Lirisë’ për shtyrjen e afatit të rregjistrimit në zgjedhje dhe i vendosur tha se opozita nuk do të tërhiqet nga projekti për qeveri teknike.
Basha akuzoi mazhorancën se ka futur vendin në krizë dhe theksoi se zgjedhje të lira dhe të ndershme do ketë vetëm me një qeveri teknike e cila do krijojë kushtet për zgjedhje të lira dhe të ndershme.
“Kodi zgjedhor thotë se sonte në mesnatë duhet të regjistrohen koalicionet. Këta e kanë futur vendin në një spirale krize politike se menduan se shqiptarët si dele dhe opozita si opozitë fasadë do zgjaste kokën të pritej me hanxharë, sic po ndodh sot në Kavajë, ikën një kriminel, një përdhunues, i dënuar në Itali dhe kandidon mëkëmbësin e kriminelit dhe në funksion të mëkëmbësit të kriminelit mëshojnë mesazhet nga Kavaja, presion shkollave, mësuesve se mëkëmbësi i kriminelit duhet të fitojë me cdo kusht, edhe pse ska rival përballë. Ndërkohë që hedh gjithë këto hapa dhe investohet për të mbuluar të vërtetën këtej na del si engjëll, kërkon shtyrjen e datës së regjistrimit për të mirën tonë. Zgjedhje të lira dhe të ndershme do ketë vetëm me një qeveri teknike që do krijojë kushtet për zgjedhje të lira dhe të ndershme. Sa për atë thënien “ti me buke ne me gurë”, po te them se nuk lahet mjalti me shëllirë, këtë mjaltin që ke gatuar vetë ke vetëm një rrugë që mos ta hash vetëm vetë, të bashkohesh një pakt politik…nga ky shesh e ofrojme me fisnikeri edhe pse ti nuk e meriton. Harroje se do kete terheqje nga ky projekt, Republika e re po vjen, eshte e pashmangshme, realitet qe e do cdo shqiptar” tha Basha.
