Kryeministri Edi Rama, sonte, në emisionin “Dritare me Rudinën” është shprehur se daklarata e deputetes së LSI-së, Monika Kryemadhi se kriza politike po shkakton humbjen e vendeve të punës dhe largimin e bizneseve të huaja, nuk duhet marrë seriozisht.
Rama tha se Ilir Meta ka profilin e tij, ai ka bërë përpjekjet e tij, por për kryeministrin i ka bërë gabim, megjithatë është në të drejtën e tij të bëj përpjekje që ata të dalin nga çadra.
Mirëpo, sipas tij, ata nuk dalin nga çadra për sa kohë kërkojnë të pamundurën.
“Unë kam qënë i gatshëm të zbres në çadër për t’i dhënë një dorë të dalin nga aty. Mos i merni seriozisht ato që thotë Monika, pasi LSI-ja është partnere në koalicion, dhe llogaria sa vende pune janë humbur që kur u ngrit çadra, është një llogari elekrorale. Janë retorika politike“, tha Rama
