Grupi bask ETA, i cili prej 59 vitesh lufton për pavarësinë e rajonit bask në verilindje të Spanjës dhe që gjendet në listën e organizatave terroriste të Bashkimit Evropian (BE), ka njoftuar se tanimë është “organizatë e paarmatosur”.
ETA, duke dërguar deklaratë me shkrim në kompaninë mediatike britanike BBC “me qëllim të informimit të popullit bask dhe komunitetit ndërkombëtar”, ka njoftuar se shoqërisë civile baske ia ka dorëzuar listën e armëve dhe mjeteve shpërthyese që do t’i dorëzojnë te autoritet juridike franceze më 8 prill.
ETA në deklaratë ka theksuar se lista e arsenalit të groposur aktualisht gjendet te shoqëria civile baske, duke shtuar se “Çarmatimi i plotë do të realizohet më 8 prill”.
“ETA tanimë bëhet organizatë e paarmatosur, por procesi ende nuk ka përfunduar. Çarmatimi do të ndodh gjatë ditës së nesërme. Mund të ketë sulme nga armiqtë e paqes”, thuhet në deklaratë.
ETA, e cila synonte krijimin e shtetit bask mes Spanjës e Francës, vrau më shumë se 800 persona në një periudhë 40-vjeçare.
Burimi: BalkanWeb
