Në grackën e ngritur për 1 prill nga këngëtarja e njohur nga Maqedonia ranë jo vetëm mediat dhe portalet (me të cilat Tuna e ka inatin më të madh), por edhe shumë miq të saj të afërm, të cilën e uronin përmes Facebook-ut, ku ajo postoi ABEL (me gjasë emrin me të cilin kishte pagëzuar të birin).
Por pas kënaqësisë që i solli kjo zhurmë mediatike, për Tunën vijnë lajme të reja, të cilat i zbulon sërish kunati, Robert Berisha.
I pyetur nga Rudina për ndjesinë e xhaxhait, Roberti tregon se këtë status nuk e ka për herë të parë.
Vëllai i tij ka dy vajza të rritura tashmë, por pranon se fëmija që do të vijë shumë shpejt në jetë do të jetë i pari nip Berisha në familjen e tyre dhe për këtë, natyrisht, ndihet shumë mirë.
“Tuna nuk ka lindur akoma, besoj duhet edhe një muaj. Është një ndjesi e mirë, por nuk po bëhem për herë të parë xhaxha sepse vëllai i ka dy vajza. Megjithatë, Tuna e ka djalë dhe ai do të jetë një Berishë i vogël…”, – tregon Roberti, i lumtur që në një familje djemsh, pas tri vajzave, do të vijë një trashëgimtar.
Të lindur në një familje muzikantësh, të rrethuar qysh në vogëli nga muzika, tre djemtë Berisha kanë pasur një marrëdhënie të shkëlqyer me artin e me muzikën.
Siҫ tregon Roberti për “Rudina”, lidhja e tij me muzikën daton në moshë fare të vogël, por po njëlloj ka qenë edhe për dy vëllezërit e tij, Plator dhe Patris Berisha, të cilët janë instrumentisë.
Muzika ka vijuar njëlloj edhe te nipërit e mbesat e familjes Berisha. Edhe dy vajzat e vëllait janë gjithashtu të apasionuara pas muzikës, për të mos folur pastaj për Renee, vajza e ҫifti të njohur, e cila ka filluar të kërcejë shumë herët e ta ndjekë ritmin në mënyrë të përsosur.
