Pasi Policia e Shtetit ka bërë me dije detaje nga aksioni në Shkodër, ku 7 persona u arrestuan për aktin e vendosjes së gjobave shantazhuese në restorantet e ndryshme, dalin dhe emrat e anëtarëve të bandës.
1. Muhamet Mustafa Lici, i vitlindjes 1992, lindur dhe banues në Lagjen “Guerrile” Shkodër , i dënuar më parë me 4 vjet e 8 muaj burgim për veprën penale të “Prodhimit dhe mbajtje pa leje të armëve dhe municionit luftarak ”, parashikuar nga neni 278/2/5 të K. Penal.
2. Abedin Eljaz Bajraktari, i vitlindjes 1990, lindur dhe banues në lagjen “Guerrile” Shkodër , në gjendje gjyqësore “i dënuar”.
3. Denis Zaim Skutina , i vitlindjes 1993 , në Shkodër dhe banues në Lagjen “Naim Gjylbegu”, Shkodër.
4. Shtetasi G.S, i vitlindjes 2000, lindur dhe banues në Lagjen “Naim Gjylbegu”, Shkodër.
5. Besmir Merzuk Domnori, i vitlindjes 1993, lindur dhe banues në Lagjen “Qemal Stafa” Shkodër.
6. Gëzim Ragip Vajushi, i vitlindjes 1960, i lindur e banues në lagjen “Ahmet Haxhia”, i dënuar.
7. Fatmir Vehbi Dibra, i vitlindjes 1964, lindur dhe banues në lagjen “Kongresi i Përmetit”, Shkoder.
“Panorama” shkruan se Muhamet Lici, kreu i kësaj bande është djalit i Ahmet Lici, njërit prej anëtarëve të Këshillit Bashkiak të Shkodrës, njëherazi kryetar i Partisë Mendimi i Djathtë Liberal.
Policia e Shtetit ka bërë me dije se grupi prej 7 personash, u vendoste gjoba mujore restoranteve të ndryshme në Shkodër.
Ky operacion Policor është përmbyllur në kuadër të një hetimi të zhvilluar nga shërbimet e specializuara te Drejtorisë Vendore të Policise Shkodër, në bashkëpunim me Prokurorinë pranë Gjykatës së Shkallës së Parë për Krimet e Rënda Tiranë, hetim i cili ka zgjatur për një periudhë 6 mujore, sipas policisë.
“Përmes ketij hetimi është dokumentuar në mënyre të plotë e të gjithanshme aktiviteti kriminal i “Shtrëngimit me anë të kanosjes ose dhunës për dhënien e pasurisë”, “Grup i strukturuar kriminal”, “Kryerja e veprave penale nga organizata kriminale dhe grup i strukturuar kriminal”, vepra penale këto te parashikuara nga nenet 109/b , 33/a/2 , 334/1 të Kodit Penal, aktivitet ky që personat e ndaluar e kryenin me njëri-tjetrin në bashkepunim, të shtrirë kryesisht në zonën e njohur si “Tregu i Zdrales” dhe “Rruga e Gjena e Kirasit”, në qytetin Shkodër.
Këta shtetas në bashkëpunim me njëri-tjetrin, duke shfrytëzuar rrezikshmerine kriminale që paraqesin, me anë të shtrëngimit, dhunës dhe kanosjes, kishin ngritur një skemë përfitimi të paligjshëm duke u marë pagesa çdo muaj bizneseve private, të cilat ushtronin aktivitetin në zonen e njohur si “Tregu i Zdrales” dhe “Rruga e Gjenë e Kirasit”, Shkodër”, thotë policia.
Gjate ekzekutimit te urdhrave, kontrolleve të banesave, janë sekuestruar me cilesinë e provës materiale:
• Dy automjete, një autoveturë “Mercedez Benz”, i blinduar, me targë AC 108 dhe një autoveturë “Fiat”.
• 7 telefona celularë
• 6 uniforma kamuflazhi
• Nje targë automjeti BP 1065 HT.
• Nje palë dylbi ,
• Tre skafandra motorri
• Nje sasi lënde narkotike e llojit Cannabis Sativa
• Fletore shenimesh, me shenime të emrave të personave dhe lekët .
foto: (Muhamet dhe Mustafa Lici)
