Boksieri i njohur shqiptar, Luan Krasniqi, ka vizituar gjatë ditës së djeshme kreun e AAK-së që ndodhet në Francë.
Krasniqi ka shpërndarë në Facebook foto nga takimi me Ramush Haradinaj.
“Dje, pata kënaqësinë ta vizitoj në Francë, ish Kryeministrin e Kosovës, të nderuarin Ramush Haradinaj, shëndetit të mirë të të cilit iu gëzova. Pas bisedës vëllazërore dhe tejet optimiste, u ndamë me bindjen se shumë shpejtë, do të gjendet në mesin e familjes dhe në Kosovën e dashur.”- ka shkruar ai.
Haradinaj po mbahet në Strasbourg, pas arrestimit nga autoritetet franceze dhe lirimit me kusht si masë sigurie deri në gjykimin e çështjes në themel.
