Hedhja e parave në koncert është kthyer tashmë në një garë midis reperëve shqiptarë. I pari që e hapi “vallen”, ishte Noizy, i cili në një koncert në Tiranë, shpërndau më shumë se 1 mijë dollarë.
Ndërsa këtë herë, ai që ka nuk ka nguruar të kryejë të njëjtin veprim ka qenë Capital T. Sipas Bluetooth, reperi u ka bërë dhuratë fansave 5000 euro gjatë performancës së këngës Lejla në Ferizaj. Bluetooth shkruan se ai e ka shpërndarë shumën në prerje të ndryshme, midis të cilave shumë prerje 500-she, si simbol i vetë këngës Lejla. Mirëpo, një gjë e tillë lë vend për dyshime pasi 5000 euro është një shumë vërtet e konsiderueshme dhe nuk dihet nëse paratë e hedhura kanë qenë të vërteta apo fallso.
Nga videot dallohet qartë gëzimi i fansave, ndërkohë që na mbetet të shohim nëse kjo gjë do kthehet në një trend midis këngëtarëve.
