Një 30-vjeçar nga Kosova, i akuzuar pë terrorizëm u arrestua ditën e sotme në Morinë nga strukturat e Antiterrorit. Në kuadër të masave të marra për garantimin e rendit dhe sigurisë, si dhe parandalimit të ngjarjeve kriminale e terroriste, sidomos gjatë festave të fundvitit, është zhvilluar sot në Morinë-Kukës aksioni për kapjen e 30-vjeçarit Enos Begolli nga Mitrovica.
Strukturat e Policisë së Shtetit në kuadër të masave të marra për garantimin e rendit dhe sigurisë si dhe parandalimit të ngjarjeve kriminale, terroriste gjatë kryerjes së veprimeve operacionale me metoda speciale bënë të mundur lokalizimin dhe kapjen e një personi në kërkim, shtetasit kosovar Enos Begolli, 30 vjec, lindur dhe banues në Mitrovicë Kosovë.
Ky shtetas ishte shpallur në kërkim nga autoritetet kosovare për Terrorizëm dhe ishte i shpallur në kërkim nga autoritetet kosovare, pasi ka qenë i dënuar nga ky shtet me 4 vite burg, si i dyshuar se ka qenë luftëtar në Siri si pjestar i ISIS&, thuhet në njoftimin e policisë.
Pas kryerjes së procedurave ligjore nga ana jonë ky shtetas iu dorëzua strukturave të policisë së Kosovës nëpërmjet Pikës së Kalimit Kufitar të Morinës, Kukës.
