Kësaj herë në letrat e adresuara psikologes në rubrikën e “The Sun”, vjen një histori tradhtie. Një grua 45vjeçare ndihet e lënë pas dore nga bashkëshorti i saj, i cili punon si shofer kamioni dhe kthehet i lodhur në shtëpi.
Letra e gruas
“E tradhtoj bashkëshortin me trajnerin e futbollit të djemve të mi, sepse im shoq ka harruar çfarë është seksi. Kam menduar shumë herë që t’i jap fund kësaj historie me dashnorin, por ai më bën të ndihem kaq e dëshiruar.
Djemtë e mi janë 10 dhe 12 vjeç dhe luajnë futboll pas shkolle si dhe me një skuadër lokale të shtunave. Burri im është një shofer kamioni dhe është 47 vjeç. Ai punon çdo ditë dhe nuk ka shumë kohë as për djemtë dhe as për mua. Lidhja jonë është ‘ok’ por ne kemi 1 vit që nuk bëjmë dashuri. Ai nuk është i interesuar. Unë jam 45 vjeçe dhe ndihem ende e re dhe mbi të gjitha ndihem femër dhe kam nevojë. Para disa kohësh djali im i vogël kishte thyer këmbën gjatë stërvitjes dhe trajneri i tij e kishte çuar në spital.
Ata ishin përpjekur të më kontaktonin por unë e kisha tel në heshtje dhe nuk u përgjigja. Pas pak lexova mesazhet dhe u frikësova shumë, e menjëherë u nisa për në spital. Kur shkova atje gjendja ishte normalizuar por unë u ndjeva keq dhe nisa të qaja. Aty më afrohet trajneri i djalit dheu përpoq të më qetësonte. Atë natë djali im i madh shkoi në shtëpi me një shok ndërsa unë qëndrova edhe pak me djalin e vogël në spital. Mjekët më thanë që im bir kishte nevojë për një operacion por do të më lajmëronin ata kur do ta kryenin operacionin.
Mua më duhej të qetësohesha atë natë dhe të kthehesha në shtëpi. Trajneri i djalit u kthye bashkë me mua. Unë vazhdoja të isha e mërzitur por ai më tha “mos u mërzit, djali do të bëhet mirë”. Pas këtyre fjalëve, ai më përkëdheli faqen dhe më puthi. U ndjeva kaq mirë…sepse dikush më pëlqente. Atë natë burri im ishte në udhëtim kështu që unë i kërkova trajnerit të bënim seks. Atë natë kaluam shumë mirë së bashku. Tani takohemi rregullisht dhe bëjmë dashuri. Ai është 27 vjeç dhe unë çmendem pas tij. Edhe burrin e dua, por ai është disa herë në javë në punë edhe gjatë natës, dhe tani jemi bërë më shumë si shokë se sa si çift”.
Përgjigjja e psikologes
“Kjo lidhje është një kurth që mund të të kushtojë martesën. Ti dhe trajneri jeni duke e shijuar raportin tuaj intim por mundësia që t’ju zbulojë një nga djemtë e tu është e madhe, dhe kjo do t’i shokonte ata. Bëhu më e ndjeshme për familjen tënde dhe mundohu të rregullosh raportin me bashkëshortin tënd. Ai udhëton shumë orë në jave dhe lodhet, prandaj është normale që ai të mos jetë në formën më të mirë të mundshme seksuale. Fol me të dhe tregoi pasiguritë e tua dhe kështu mundohu ta rikuperosh marrëdhënien me të”.
