Ministri i Brendshëm italian Marco Minetti në një deklaratë për mediat konfirmoi vrasjen në Milano të terroristit që kreu sulmin në Berlin, Anis Amri. Ai është qëlluar për vdekje nga policia në Milano, tha ministri i Brendshëm i Italisë. 24 vjeçari hapi zjarr ndaj policisë që i kërkoi një mjet identifikimi, gjatë një patrullimi rutinë në zonën “Sesto San Giovanni”, në orët e para të ditës së premte. Dy policët panë një njeri të dyshimtë dhe i kërkuan ID, tha ministri Marco Minetti. Një polic u plagos në shkëmbimin e zjarrit.
Personi që mbeti i vrarë nuk kishte mjet identifikimi por u identifikua përmes shenjave të gishtërinjëve që autoritet gjermane i dërguan menjëhere policisë italiane. Ato përputhen me shenjat e gishtërinjve që autori kishte lënë në kamionin me të cilin sulmoi të hënën në mbrëmje tregun e Krishtlindjeve në Gjermani duke vrarë 12 njerëz dhe plagosur 49 të tjerë.
Sipas agjencisë italiane të lajmeve ANSA, Anis Amri kishte udhëtuar me tren nga Franca në Torino, dhe pastaj kishte marrë një tren në Milano. Autori i sulmit terrorist, një tunizian 24-vjeçar, ka kryer një dënim në Itali për vandalizëm dhe vjedhje në vitin 2011. Ai ishte i njohur për autoritetet italiane për sjelljen e tij të dhunshme edhe në burg. Pas lirimit, ai kishte kërkuar të largohej nga Italia. Në vitin 2015 kishte mbërritur në Gjermani dhe në prill të këtij viti kishte bërë kërkesë për azil.
I dyshuari u vra në një shkëmbim zjarri në Sesto San Giovanni, një qytet pranë Milanos në orën 03:00 të së premtes. Kur policia i kërkoi një ID, ai nxorri pistoletën e kalibrit 22 dhe qëlloi mbi policët. Polici i tjetër që ishte në drejtimin e mjetit të policisë e qëlloi menjëherë duke e lënë të vdekur. Efektivi i policisë i plagosur Cristian Morio është në gjendje të rëndë. Ndërsa efektivi tjetër Luca Scata, nuk pësoi asgjë. Ministri italian falenderoi përzemërisht policët që u ndeshëm ne kriminelin e rrezikshëm. /Opinion.al
